Telefono mugikorra

Haririk gabeko Bluetooth® teknologia

Eskurik gabeko Bluetooth teknologia erabili aurretik

Zer da haririk gabeko Bluetooth teknologia?

  • Haririk gabeko Bluetooth teknologia distantzia laburreko haririk gabeko sare-teknologia bat da. 2,45 GHz-ko maiztasuna erabiltzen du distantzia zehatz batean dauden hainbat gailu euren artean konektatzeko.

  • Ordenagailuetan, kanpoko gailuetan, Bluetooth-a darabilten telefonoetan, PDA-etan, hainbat gailu elektronikotan eta automobilgintzako inguruneetan onartzen da teknologia. Gainera, konexio-kablerik gabe igortzen dira datuak teknologia honetan.

  • Bluetooth bidezko eskurik gabeko eginbideak erabiltzaileari aukera ematen dio sistemaren bidez modu erosoan deiak egiteko Bluetooth-a darabilten telefono mugikorretan.

  • Baliteke Bluetooth bidezko eskurik gabeko eginbidea telefono mugikor guztietan ez onartzea.

Gidatze segururako neurriak

  • Bluetooth-ak gidariei esku libreen eginbidea erabiliz gidatzeko aukera eskaintzen die. Unitate nagusia Bluetooth bidezko telefono batekin konektatuta, erabiltzaileak deiak egin eta jaso, kontaktuak erabili eta testu-mezuak jaso eta haiei erantzuteko aukera izango du. Haririk gabeko Bluetooth teknologia erabili aurretik, irakurri arretaz erabiltzailearen eskuliburu honen edukiak.

  • Eginbide gehiegi erabiltzeak edo gidatzen duzun bitartean erabiltzeak gidatze-praktika arduragabeak ekar ditzake eta, ondorioz, istripuak gerta litezke. Ez erabili gailua gehiegi gidatzen duzun bitartean.

  • Pantailari denbora gehiegiz begiratzea arriskutsua da, eta istripuak ekar ditzake. Gidatzean, begiratu pantaila denbora apur batez bakarrik.

Bluetooth-a darabilen telefono bat konektatzeari buruzko oharrak

  • Unitate nagusia telefono mugikor batekin konektatu aurretik, egiaztatu telefono mugikorrak Bluetooth bidezko eginbideak onartzen dituela.

  • Telefonoa automatikoki konektatzea nahi ez baduzu, desaktibatu Bluetooth-aren eginbidea gailutik.

  • Zure segurtasunerako, aparkatu ibilgailua unitate nagusia telefono mugikorrarekin parekatzen duzunean.

  • Baliteke Bluetooth bidezko eginbide batzuk zenbaitetan ondo ez funtzionatzea, telefono mugikorraren firmware-aren bertsioaren arabera. Eginbide horiek ezin badira erabili telefono mugikorraren fabrikatzaileak software-aren bertsioa berritu ostean, bereizi pare guztiak eta parekatu berriro telefonoa erabili baino lehen.

Unitatea eta Bluetooth-a darabilen telefono bat parekatzea eta konektatzea

Bluetooth-aren eginbidea erabiltzeko, ziurtatu hori telefonoan aktibatuta dagoela. Irakurri telefono mugikorraren erabiltzailearen gida.

Telefonorik parekatu ez denean

  1. Sakatu [] > Phone edo sakatu [s] bolantearen urrutiko kontrolean.

    • Cancel: Bluetooth bidezko konexioa ezeztatzen du.

  2. Zure telefonoan, bilatu Bluetooth bidezko gailuak (Ibilgailuaren izen lehenetsi gisa erosi duzun ibilgailuaren izena ezartzen da)

  3. 1) SSPa (Secure Simple Pairing) onartzen ez bada, idatzi sarbide-gakoa Bluetooth bidezko gailuan (sarbide-gako lehenetsia 0000 da).

    2) SSPa (Secure Simple Pairing) onartzen bada, egiaztatu unitate nagusian eta zure telefonoan automatikoki agertzen den 6 digituko PIN-kodea berdina dela eta sakatu Yes zure telefonoko pantaila gainerakorrean.

  4. Bluetooth bidezko gailua konektatuta dago. Telefono mugikorreko kontaktuak eta deien zerrenda deskargatu dira. Konexioak huts egiten duenean, errore-mezua agertuko da pantailan.

Telefono bat parekatuta dagoenean

  1. Sakatu [] > Phone edo sakatu [s] bolantearen urrutiko kontrolean.

  2. Sakatu gailua Bluetooth bidezko gailuen zerrendaren pantaila gainerakorrean. Beste gailu bat parekatu nahi baduzu, sakatu Add new. Jarraitu "Telefonorik parekatu ez denean" ataleko pausoak 2.-etik 4.era.

Beste gailu bat parekatzen duzunean

  1. Sakatu SETUP > Phone connection > Phone connection.

  2. Hautatu konektatu nahi duzun unitatea. Ez badago konektatu nahi duzun gailurik, sakatu Add new.

  3. Hautatu konektatu nahi duzun zerbitzua eta sakatu OK. Bluetooth-a konektatzen duzunean, esku libreko konexioa Bluetooth bidezko konexio baterako soilik egongo da erabilgarri. Hala ere, Bluetooth bidezko audioa konexio anitzetan onartzen da.

  4. Zure telefonoan, bilatu Bluetooth bidezko gailuak (Ibilgailuaren izen lehenetsi gisa erosi duzun ibilgailuaren izena ezartzen da).

  5. 1) SSPa (Secure Simple Pairing) onartzen ez bada, idatzi sarbide-gakoa Bluetooth bidezko gailuan (sarbide-gako lehenetsia 0000 da).

    2) SSPa (Secure Simple Pairing) onartzen bada, egiaztatu unitate nagusian eta zure telefonoan automatikoki agertzen den 6 digituko PIN-kodea berdina dela eta sakatu Yes zure telefonoko pantaila gainerakorrean.

  6. Bluetooth bidezko gailua konektatuta dago. Telefono mugikorreko kontaktuak eta deien zerrenda deskargatu dira. Konexioak huts egiten duenean, errore-mezua agertuko da pantailan. Gailua zerrendan gehitu denean, konexioaren egoera alda dezakezu nahi duzun gailuaren ikonoa sakatuta eta erabili nahi duzun eginbidea hautatuta.

    1. Bluetooth bidezko multimedia-edukia () eta telefono-zerbitzua () konektatuta daude

      Bluetooth bidezko multimedia-edukiak eta telefono-zerbitzua konektatuta daude. Konektatutako telefono adimenduneko audio-fitxategiak erreproduzi ditzakezu Bluetooth-aren bidez, edo telefonoaren zerbitzua erabili. (Deiak eta mezuak bidaltzea/jasotzea, eta kontaktuak erabiltzea).

    2. Bluetooth bidezko multimedia-edukia () konektatuta dago

      Bluetooth bidezko multimedia-edukia konektatuta dago. Konektatutako telefono adimenduneko audio-fitxategiak erreproduzi ditzakezu Bluetooth-aren bidez, baina telefonoaren zerbitzua ezin da erabili.

    3. Bluetooth-a deskonektatuta dago

      Bluetooth-a deskonektatuta dago. Ezin dira Bluetooth bidezko multimedia-edukiak eta telefono-zerbitzua erabili.

  • Gehienez sei telefono mugikor pareka daitezke. Beste telefono bat parekatu nahi baduzu dagoeneko sei telefono parekatuta dauzkazunean, ezabatu lehendabizi parekatutako telefono bat.

  • Baliteke zenbait eginbide onartuta ez egotea Bluetooth-aren bateragarritasuna mugatuta dagoelako kotxearen sistemaren eta telefono mugikorraren artean.

Konektatutako telefonoa deskonektatzea

  1. Sakatu SETUP > Phone connection > Phone connection.

  2. Hautatu gailuko ikonoa (Esku libreko eginbidea edo Audioa) deskonektatzeko.

Deskonektatutako telefonoa berriro konektatu nahi baduzu, hauta ezazu hori.

Bluetooth-a darabilten telefonoak gailuak ezabatzea

Telefonoa gehiago erabili behar ez baduzu, hori ezaba dezakezu. Bluetooth bidezko gailu bat ezabatzen duzunean deien zerrenda eta kontaktuak ezabatuko dira ere bai.

  1. Sakatu SETUP > Phone connection > Phone connection.

  2. Sakatu Delete devices.

  3. Hautatu nahi duzun gailua eta sakatu Delete > Yes.

    • Mark all: Elementu guztiak markatzen ditu.

    • Unmark all: Elementu guztiei marka kentzen die.

Telefono-zenbaki bat idatziz dei bat egitea

  1. Sakatu Phone > [] hasierako pantailan.

  2. Idatzi telefono-zenbakia telefonoaren deitzeko pantailako teklatua erabiliz.

  3. Sakatu [] telefonoaren pantailan edo [s] bolanteko urrutiko kontrolean.

Okerreko zenbakia sakatzen baduzu, sakatu [] idatzitako zenbakiaren digitu bat ezabatzeko.

Birmarkatuz dei bat egitea

  1. Sakatu Phone > [] hasierako pantailan.

  2. Eduki sakatuta [] telefonoaren pantailan edo [s] bolanteko urrutiko kontrolean.

Ezin izango da birmarkatu egindako deien zerrendan zenbakirik ez dagoenean-

Dei bati erantzutea/dei bat baztertzea

  1. Dei bat jasotzen duzunean, mezu gainerakor bat agertuko da.

  2. Sakatu Accept mezu gainerakorrean edo [s] bolanteko urrutiko kontrolean. Dei bat baztertzeko, sakatu Reject mezu gainerakorrean edo [j] bolanteko urrutiko kontrolean. Jasotzen ari zaren deiari baztertze-mezu bat bidaltzeko, hautatu Messages mezu gainerakorrean.

  • Deia egiten duen pertsonaren ID zerbitzua erabilgarri badago, deia egiten duen pertsonaren telefono-zenbakia bistaratuko da.

  • Deia egiten duen pertsonaren telefono-zenbakia agendan gordeta badago, pertsona horren izena unitatean bistaratu egingo da.

  • Baliteke, batzuetan, deia egiten duen pertsonaren ID zerbitzuko informazioa agendarekin bat ez etortzea mugikorraren hornitzaileak emandako informazioari lotuta dagoelako.

  • Dei bat jasotzen ari zarenean, baliteke Reject eginbidea telefono mugikor guztietan onartuta ez egotea.

Deia telefono mugikorrera pasatzea

  1. Deia telefono mugikorrera pasatu nahi baduzu esku libreko konexioaren bidez hitz egiten ari zaren bitartean, sakatu Use private pantailan edo eduki sakatuta [s] bolantearen urrutiko kontrolean. Ondoren ikusten den moduan, deia telefono mugikorrera pasatzen da.

  2. Deia telefono esku libreko konexiora pasatu nahi baduzu telefono mugikorraren bidez hitz egiten ari zaren bitartean, sakatu Use hands-free pantailan edo eduki sakatuta [s] bolantearen urrutiko kontrolean. Deia esku libreko konexiora aldatzen da.

Dei bat amaitzea

  1. Dei bat amaitzeko, sakatu [] telefonoaren pantailan edo [j] bolanteko urrutiko kontrolean.

  2. Deia amaitu egingo da.

Dei batean zauden bitartean menua erabiltzea

Menuko honako elementu hauek erabil ditzakezu dei bat egiten duzunean.

  1. Isilarazi

    Mikrofonoa isilarazten du/mikrofonoaren audioa aktibatzen du.

  2. Bolumena

    Mikrofonoaren bolumena zehazten du.

  3. Teklatua

    ARS zenbakiak idazteko pantailara doa.

  4. Use private/Use hands-free

    Ahots-dei bat esku libreko konexiotik telefono mugikorrera pasatzen du.

  5. End

    Dei bat amaitzen du.

Dei batean zauden bitartean deiaren informazioa ikus dezakezu pantaila zatituan.

Deien zerrenda

Deien zerrendatik dei bat egitea

  1. Sakatu [] telefonoaren pantailan edo [s] bolanteko urrutiko kontrolean.

  2. Sakatu telefono zenbakia, zeinari deitu nahi diozun.

Baliteke deien zerrenda telefono mugikor guztietan ez gordetzea.

Deien historia deskargatzea

Zure telefono mugikorreko deien historiari buruzko informazioa deskarga dezakezu.

  1. Sakatu [] telefonoaren pantailan.

  2. Sakatu [] > Download > Yes.

  • Gehienez jota, jasotako, egindako eta galdutako deien historiaren 50 zerrenda deskarga daitezke.

  • Baliteke deskargatzeko eginbidea telefono mugikor guztietan ez onartzea. Egiaztatu Bluetooth bidezko gailuak deskargatzeko eginbidea onartzen duen.

  • Deuseztatutako informazioa ez da unitate nagusian deskargatzen.

Kontaktuak

Kontaktuetatik dei bat egitea

  1. Sakatu [] telefonoaren pantailan. Kontaktuak pantailan agertzen dira.

  2. Kontaktuen zerrendan, hautatu kontaktua, zeinari deia egin nahi diozun.

Telefono mugikorreko kontaktuak deskargatzea

Telefono mugikorreko kontaktuak deskarga ditzakezu.

  1. Sakatu [] telefonoaren pantailan.

  2. Sakatu [] > Download > Yes.

  • Telefono mugikorreko kontaktuak deskargatzen dituzunean, aurreko datuak ezabatu egiten dira.

  • Baliteke eginbide hau telefono mugikor guztietan ez onartzea.

  • Gehienez jota, 5000 kontaktu-zerrenda deskarga daitezke.

  • Deuseztatutako informazioa ez da unitate nagusian deskargatzen.

Izenaren edo zenbakiaren bidez bilatzea

Idazten duzun izenaren edo zenbakiaren bidez bila ditzakezu kontaktuak.

  1. Sakatu [] > [] > Search.

  2. Bilatu kontaktuak eta sakatu OK.

  3. Hautatu kontaktua, zeinari deia egin nahi diozun.

Mezuak

Zure telefono adimendunak onartuz gero, testu-mezuak ikus ditzakezu. Telefono adimendun batzuetan, eskuz gaitu behar duzu funtzio hori zure telefonoan. Xehetasun gehiagorako, kontsultatu zure telefono adimendunaren erabiltzaile-gida.

Mezu berriak ikustea

Mezu bat jasotzen duzunean, pantaila gainerakor bat bistaratuko da. Testu-mezuaren pantailan, sakatu View, Listen edo Close.

  • View: Testu-mezua irekitzen du.

  • Listen: Testu-mezua irakurtzen du.

  • Close: Testu-mezuaren pantaila gainerakorra ixten du.

TTS (Text-to-Speech) funtzioa onartzen ez duten sistemaren hizkuntza batzuetan, Listen ez dago erabilgarri.

Testu-mezuak ikustea eta horiei erantzutea

  1. Sakatu [] telefonoaren pantailan.

  2. Hautatu ikusi nahi dituzun elementuak.

    • Listen (Ibilgailuak hori edukiz gero): Testu-mezua irakurtzen du. Sakatu Stop reading ahotsa gelditzeko.

    • Reply: Testu-mezuari erantzuten dio.

    • Call: Birmarkatuz dei bat egiten du.

  3. Sakatu Reply testu-mezura itzultzeko.

  4. Hautatu nahi duzun mezua eta sakatu Send.

Gerta daiteke erantzunaren bidalketak huts egitea telefono adimendunaren modeloagatik edo sareko zerbitzuen kondizioengatik.

Telefonoaren ezarpenak

Menu honetan Bluetooth bidezko konexioen pantaila deskribatzen da.

  1. Sakatu [] telefonoaren pantailan.

  2. Xehetasunak lortzeko, irakurri "Telefonorik parekatu ez denean" atala.