Utilizar o sistema de recoñecemento de voz

Que é o recoñecemento de voz?

A tecnoloxía de recoñecemento de voz opera o sistema segundo se lle ordene por voz para asistir no uso dos elementos multimedia mentres conduce.

Lamentablemente, debido ás limitacións da tecnoloxía, non se recoñecen todas as ordes de voz.

Para compensar estas limitacións, a pantalla mostra as ordes de voz dispoñibles.

Hai erros de comunicación entre as persoas.

Do mesmo xeito, o sistema de recoñecemento de voz non entende a súa voz nalgunhas circunstancias.

Se isto acontecese, comprobe na pantalla as opcións dispoñibles e repita a orde, ou selecciónea manualmente e prema o botón da orde correspondente na pantalla.

Funcións do recoñecemento de voz por idioma

A compatibilidade do recoñecemento de voz varía dependendo do idioma seleccionado no dispositivo.

Comprobe as características do idioma do dispositivo antes de usar o sistema de recoñecemento de voz.

• Se cambia o idioma do dispositivo a coreano, eslovaco ou húngaro, non poderá usar o recoñecemento de voz. Cambie o idioma do sistema a outro diferente.

Utilizar as ordes de voz

Condicións para o sistema de ordes de voz

A maior parte das funcións pódense executar por voz.

Siga as instrucións descritas a continuación para un mellor funcionamento do recoñecemento de voz.

• Para mellorar o seu funcionamento, o interior do vehículo debe estar en silencio, coas xanelas subidas e o teito cuberto.
• Prema o botón de recoñecemento de voz e pronuncie a orde tras escoitar o bip.
• O micrófono está situado por riba do condutor. As ordes por voz deberán ser pronunciadas polo condutor nunha postura axeitada.
• Pronuncie as ordes de xeito natural e claro, como se fosen parte dunha conversa normal.
• Os caracteres especiais da axenda do teléfono non son recoñecibles.

Por exemplo, Fran-Pena: “Fran Pena”

• Os números dun enderezo ou os díxitos deben ser pronunciados individualmente.

Por exemplo, S1234: “Sur un dous tres catro”

• Dependendo das especificacións, hai ordes que poderían non recoñecerse.

Inicio do recoñecemento de voz

1. Prema o botón de recoñecemento de voz no control remoto do volante.
2. Pronuncie a orde tras escoitar o bip.

,Nota

Para un recoñecemento axeitado, pronuncie as ordes segundo as instrucións e tras o bip. Pode configurar o son de guía do recoñecemento de voz. Para máis detalles, vaia a "Configuración de recoñecemento de voz (se tiver)".

Saltar indicacións recorrentes

1. Cando se estea a reproducir unha indicación, prema o botón de recoñecemento de voz no control remoto do volante.
2. Rematará a indicación recorrente e escoitarase un bip.
3. Tras o bip, pronuncie a orde por voz que desexe.

Finalizar o recoñecemento de voz

1. Cando se estea a utilizar o recoñecemento de voz, manteña premido o botón de recoñecemento de voz no control remoto do volante ou diga "saír".
2. Cando use o recoñecemento de voz, se preme calquera botón que non estea no control remoto do volante ou calquera botón diferente da unidade principal, finalizarase o recoñecemento de voz.

Axustar o volume do recoñecemento de voz

Durante o funcionamento do sistema de recoñecemento de voz, é posible axustar o volume co botón de volume da unidade principal ou o botón de volume do control remoto do volante.

Listaxe de ordes do recoñecemento de voz

As ordes de recoñecemento de voz divídense en “Ordes globais” e “Ordes locais”.

• Ordes globais (●): son ordes que se poden utilizar inmediatamente despois de activar o recoñecemento de voz.
• Ordes locais (□): son ordes que se poden usar en estados específicos do modo multimedia/navegación/Bluetooth.

,Nota

Algunhas ordes só funcionan correctamente se está conectado un dispositivo USB, Bluetooth ou doutro tipo.

Ordes básicas

Orde		Operación
●	Axuda	Accede á pantalla de axuda do recoñecemento de voz. Nela pódense identificar e usar todas as ordes dispoñibles.
□	Si/Non	Co recoñecemento de voz activo, esta orde serve para contestar unha pregunta que require confirmación.
□	Liña 1-4 (Un-Catro)	Se non pode seleccionar un nome determinado, por exemplo, no historial de chamadas, pode usar o número da liña na que estea. Recoñécense números simples, como “un” ou “dous”.
□	Seguinte/Anterior	Se se enumeran cinco ou máis elementos na busca, pode avanzar á páxina anterior ou seguinte empregando unha orde de voz.
□	Entrada manual	Se se mostran resultados de chamadas ou destinos, esta orde serve para facer unha procura manual e non mediante unha orde por voz. O recoñecemento de voz detense ao utilizar esta orde.
□	Volver	Volve á pantalla anterior.
●	Saír	Sae do recoñecemento de voz.

Ordes de radio

Orde		Operación
●	Radio	Executa a radio escoitada recentemente entre FM e AM.
●	DAB/FM	Executa a radio DAB/FM.
●	AM	Executa a radio AM.
●	Lista DAB/FM	Mostra a lista de emisoras DAB/FM.
●	Lista AM	Mostra a lista de emisoras AM.
●	Reproducir <Emisora> na Radio	Pode recibir inmediatamente o sinal dicindo o nome da emisora que quere escoitar.

Ordes do teléfono

• Pode usar as ordes de voz relacionadas coas chamadas telefónicas despois de conectar o teléfono con Bluetooth.
• Para chamar a unha persoa, primeiro ten que descargar os contactos do teléfono móbil.
• Pódese descargar un máximo de 5000 contactos do teléfono móbil.
• Despois de descargar os contactos do teléfono con Bluetooth, é preciso algo de tempo para convertelos en datos de voz, polo que non poderá facer unha chamada indicando o nome de xeito inmediato.
• O tempo necesario para a conversión a datos de voz dependerá do número de contactos descargados.

Orde		Operación
●	Chamar a	Os contactos descargados do teléfono móbil aparecen na pantalla e, a continuación, pode chamalos con só dicir o nome.
●	Chamar a <Nome>	Pode chamar inmediatamente a (nome) se está nos contactos descargados do teléfono móbil. Por exemplo “chamar a Fran Pena”
●	Chamar <Nome> ao móbil	Pode chamar inmediatamente a (nome) se está nos contactos descargados do móbil e gardado como “móbil”. Por exemplo “chamar a Fran Pérez ao móbil”
●	Chamar a <Name> ao traballo	Pode chamar inmediatamente a (nome) se está nos contactos descargados do móbil e gardado como “traballo”. Por exemplo "Chamar a Fran Pena ao traballo"
●	Chamar a <Nome> á casa	Pode chamar inmediatamente a (nome) se está nos contactos descargados do móbil e gardado como “casa”. Por exemplo "Chamar a Fran Pena á casa"
●	Chamar a <Nome> noutros	Pode chamar inmediatamente a (nome) se está nos contactos descargados do móbil e gardado nunha categoría que non sexa “móbil”, “casa” nin “traballo”. Por exemplo “Chamar a Fran Pena noutros”
●	Marcar número	Mostra unha pantalla onde pode dicir o número de teléfono que quere marcar.
●	Marcar <número de teléfono>	Pode facer unha chamada dicindo directamente o número ao que quere chamar. Por exemplo, para marcar o 123-456-7890: “marcar un dous tres catro cinco seis sete oito nove cero”
●	Cambiar dispositivo Bluetooth	Pode desconectar o dispositivo Bluetooth conectado e conectarse a outros dispositivos Bluetooth emparellados.

Ordes de navegación

Comprobe o seguinte antes de usar as ordes de navegación:

1. A busca de enderezos localizados na comunidade ou provincia onde está o seu coche está actualmente activa.
2. Se quere buscar noutra comunidade, diga o nome da comunidade/provincia e despois diga o enderezo.
3. A orde “Buscar enderezo” está clasificada por comunidades ou provincias para prestarlle un servizo máis rápido.
4. Algunhas ordes, como “Cancelar ruta”, só están dispoñibles cando hai un destino configurado.

Orde		Operación
●	Mapa	Vai á posición actual do mapa de navegación.
●	Destinos previos	Mostra unha listaxe de destinos recentes aos que volver indicando o número da listaxe.
●	Información de tráfico	Accede á pantalla do menú Información de tráfico.
●	Ir á casa	Marca como destino a súa casa.
●	Ir ao traballo	Configura o destino da súa oficina/traballo.
●	Activar indicacións de voz	Activa o sistema de indicacións de voz.
●	Desactivar indicacións de voz	Desactiva o sistema de indicacións de voz.
●	Deter indicacións	Detén a guía pola ruta ao destino fixado.
●	Retomar indicacións	Retoma a guía pola ruta ao destino fixado.
●	Tempo e distancia restantes	Indica o tempo e a distancia restantes para chegar ao seu destino.
●	Opcións de ruta	Mostra as opcións de ruta. Modifica as opcións de ruta.
●	Vista xeral da ruta	Mostra un mapa da ruta completa ata o seu destino.
●	Cambiar casa	Cambia a localización da casa.
●	Cambiar traballo	Cambia a localización do traballo.
●	Destinos favoritos	Mostra a lista de destinos favoritos.
●	Puntos buscados con anterioridade	Mostra unha lista de puntos buscados con anterioridade.