Bluetooth

Tecnoloxía Bluetooth sen fíos

Que é a tecnoloxía Bluetooth sen fíos?

• A tecnoloxía Bluetooth sen fíos é unha rede de conexión sen fíos de curta distancia que emprega unha frecuencia de 2,45 GHz para conectar varios dispositivos situados a certa distancia entre si.
• É compatible con computadores, dispositivos externos, teléfonos con Bluetooth, PDA, varios dispositivos electrónicos e sectores automobilísticos, permitindo que a tecnoloxía Bluetooth sen fíos se transmita sen usar cables.
• O mans libres Bluetooth fai referencia a un dispositivo que lle permite ao usuario facer comodamente chamadas cun teléfono móbil con Bluetooth a través do sistema.
• Pode que algúns teléfonos non dispoñan de tecnoloxía mans libres Bluetooth.

Precaucións para unha condución segura

• Un uso e manexo excesivo durante a condución pode provocar distraccións e causar accidentes. Non utilice o dispositivo en exceso durante a condución.
• Observar a pantalla durante un período de tempo prolongado é perigoso e pode causar accidentes. Durante a condución, mire a pantalla só durante breves períodos de tempo.

Precaucións á hora de conectar o teléfono con Bluetooth

• Antes de conectar a unidade principal co teléfono móbil, comprobe que o seu móbil é compatible coas funcións Bluetooth.
• Se non quere que se conecte automaticamente co dispositivo Bluetooth, desactive a función Bluetooth do dispositivo Bluetooth.
• Aparque o vehículo para emparellar a unidade principal co teléfono móbil.
• Pode que algunhas funcións Bluetooth non funcionen correctamente baixo determinadas circunstancias por mor do firmware do teléfono móbil. Se funcionan correctamente após recibir unha actualización de software do fabricante do teléfono móbil, desemparelle todos os dispositivos e volva emparellalos antes de usalos.
• É posible que se mostre un erro no seu iPhone ao emparellar a unidade principal con este por primeira vez mentres o seu iPhone está conectado ao porto USB co cable do iPhone. Porén, forma parte do proceso. Pode ignorar a mensaxe se o seu iPhone xa está conectado á unidade principal.

Acoplar e conectar a unidade e o teléfono con Bluetooth

Para utilizar a función Bluetooth, asegúrese de que o Bluetooth do seu teléfono está activado.

Consulte o manual do usuario do seu teléfono.

Cando non se deu acoplado o teléfono

1. Prema o botón [W] do control remoto do volante ou [Phone] na pantalla de inicio.
2. Busque e seleccione o nome do vehículo na pantalla de espera do dispositivo Bluetooth.
3. Comprobe o número de certificación e autorice o rexistro do dispositivo Bluetooth.
4. Abrirase unha mensaxe que aproba a solicitude de acceso ao historial de chamadas e aos contactos do dispositivo Bluetooth.
5. Abrirase unha mensaxe que solicita o acceso ás mensaxes do dispositivo Bluetooth.
6. Unha vez completada a conexión, mostrarase a icona da conexión Bluetooth na esquina superior dereita.

,Nota

O nome do vehículo inicial rexístrase co nome do vehículo adquirido. Dependendo do dispositivo Bluetooth, pode que non sexa preciso introducir o número de certificación. Dependendo do dispositivo Bluetooth ou do teléfono Android ou iOS, a mensaxe pode ser diferente. Configure a notificación Bluetooth en teléfonos iOS.

Cando o teléfono xa estivese acoplado

1. Prema [Settings] > [Bluetooth] > [Bluetooth connection] na pantalla de inicio. Abrirase a pantalla de configuración de Bluetooth.
2. Prema o nome do dispositivo que quere conectar.

Se non se dese atopado o dispositivo, rexistre o dispositivo Bluetooth seleccionando [Add new device].

3. Busque e seleccione o nome do vehículo na pantalla de espera do dispositivo Bluetooth.
4. Comprobe o número de certificación e autorice o rexistro do dispositivo Bluetooth.
5. Abrirase unha mensaxe que aproba a solicitude de acceso ao historial de chamadas e aos contactos do dispositivo Bluetooth.
6. Abrirase unha mensaxe que solicita o acceso ás mensaxes do dispositivo Bluetooth.
7. Unha vez completada a conexión, aparecerá o nome do dispositivo Bluetooth conectado na pantalla.

,Nota

Pódense rexistrar até 5 dispositivos Bluetooth. Só se permite un dispositivo Bluetooth por rexistro. Non se pode rexistrar un dispositivo mentres se realiza a conexión dun dispositivo Bluetooth. Só son compatibles as características relacionadas co mans libres Bluetooth, a sincronización da axenda e mensaxes e o audio Bluetooth.

Cambiar o dispositivo

Pode conectar a unidade principal e outro dispositivo Bluetooth xa emparellado.

Prema [Phone] > [Menu] > [Change device] na pantalla de inicio.

,Nota

Pode usar a función de cambio do dispositivo premendo [] na pantalla de reprodución.

Cancelar a conexión do dispositivo

1. Prema [Settings] > [Bluetooth] > [Bluetooth connection] na pantalla de inicio.
2. Se quere desconectar o dispositivo emparellado, prema o dispositivo conectado.

,Nota

Ao premer [a] nas teclas de chamada, tamén se abre a pantalla de configuración das conexións Bluetooth.

Eliminar dispositivo

1. Prema [Settings] > [Bluetooth] > [Bluetooth connection] na pantalla de inicio.
2. Prema [Menu] > [Delete].

3. Seleccione o elemento desexado, prema [Delete] > [Yes].

,Nota

Ao premer [a] nas teclas de chamada, tamén se abre a pantalla de configuración das conexións Bluetooth. Ao borrar un dispositivo, as chamadas recentes e os contactos do dispositivo gardados na unidade principal tamén se han borrar.