Antes de utilizar Blue Link® (se tiver)

Que é Blue Link?

É un servizo telemático que se basea no noso sistema punteiro de TI. Este servizo fai que a condución sexa máis cómoda e divertida e ofrece funcións de protección, seguridade, diagnóstico do vehículo, control remoto e, incluso, funcións de sincronización con smartphones.

Goze dunha condución máis intelixente con Blue Link.

Que é a telemática?

A palabra “telemático” provén das palabras telecomunicacións e informática. Fai referencia a un sistema de información que proporciona unha variedade de datos informativos relativos á condución mediante o terminal instalado que analiza cada síntoma e cada estado da condución. Isto permite gozar dunha condución máis cómoda e moito máis segura.

Sobre a transmisión e recepción de ondas de radio

A conexión ao Centro Blue Link ou a transmisión de datos sen fíos pode interromperse nos seguintes lugares.

Para o estado de transmisión ou recepción de ondas de radio, consulte o estado que se mostra na pantalla de Blue Link.

Recoméndase utilizar o sistema Blue Link cando a icona da antena () teña catro barras ou máis.

Lugares nos que a dispoñibilidade de Blue Link pode verse afectada segundo o estado da transmisión ou recepción:

• Interior de túneles.
• Zonas montañosas ou bosques mestos.
• Estradas preto de barrancos.
• Zonas densamente poboadas.
• Autoestradas ou estradas que pasen por debaixo de pasos elevados.
• Interior de edificios.

Utilizar os servizos de Blue Link

Introdución a Blue Link®

Usar funcións de Blue Link como Meteoroloxía, Diagnóstico do vehículo e Configuración de Blue Link. Pódese utilizar Blue Link despois de activar o servizo. É posible que se aplique un cargo adicional por utilizar Blue Link, e pode que algunhas funcións difiran con respecto ao seu plan de servizo.

1. Prema [] > [Blue Link].

• [Weather]: mostra a información e prognóstico meteorolóxico para os tres próximos días, e mostra a información meteorolóxica da localización actual, punto de paso e destino.
• [Vehicle diagnostics]: comproba e ofrece un diagnóstico dos problemas de funcionamento do vehículo.
• [Blue Link settings]: mostra Activar Blue Link, Información de módem, Código, Modo sen conexión, Termos e condicións, Privacidade, Desactivar Blue Link e restablecer a configuración de fábrica.

Busca local de Blue Link® Voice

Que é a Busca local Blue Link® Voice?

Co servizo da rede Blue Link, poderá buscar os nomes de lugares que fornece HERE coa voz.

A busca local de Blue Link Voice realízase a través de servizos de rede e só está dispoñible con conexión a unha rede de comunicación.

Introdución á Busca local de Blue Link® Voice

1. Prema [] no control remoto do volante.
2. Diga "Buscar enderezo", ou "Encontrar POI". Salta á pantalla de Busca local de Blue Link Voice.

1 Comando de exemplo

Mostra un exemplo para solicitar unha busca de lugar.

2 Botón de finalización

Finaliza a busca local de Blue Link Voice.

,Nota

Esta función só está dispoñible en inglés, alemán, francés, castelán, italiano e holandés. No caso de que o idioma actual non admita esta función, cambie o idioma do sistema a un destes.

Seguridade de Blue Link®

Notificación de alarma

Se a alarma do vehículo está activada, esta función enviaralle automaticamente unha notificación por medio dunha mensaxe emerxente á súa aplicación móbil.

Meteoroloxía

Ofrece o prognóstico meteorolóxico dos próximos días, incluído o do día actual, na localización seleccionada.

1. Prema [] > [Blue Link] > [Weather].

• [Today]: mostra a información meteorolóxica do día actual.
• [Forecast]: mostra o prognóstico dos tres próximos días.

2. Prema a listaxe desexada para obter máis información meteorolóxica.

• [Current position]: mostra a información meteorolóxica da localización actual.
• [Tourpoint]: mostra a información meteorolóxica do punto de paso.
• [Destination]: mostra a información meteorolóxica do destino.

Diagnóstico do vehículo

A función de diagnóstico do vehículo realiza automaticamente diagnósticos do vehículo cando se acende unha luz de advertencia no cadro de mandos e mostra ao condutor información detallada na pantalla sobre o mal funcionamento do vehículo.

1. Prema [] > [Blue Link] > [Vehicle diagnostics].

2. Prema [Close] para pechar a pantalla.

,Nota

Cando o diagnóstico do vehículo non se execute correctamente, o diagnóstico repetirase automaticamente ao acender o vehículo.

Configuración de Blue Link®

Activación do servizo (cando o servizo non estiver activado)

Após adquirir o vehículo, deberá activar os servizos Blue Link (rexistrarse) para utilizar calquera das funcións dos servizos Blue Link, o que inclúe o Diagnóstico do vehículo, Enviar ao coche e Asistencia virtual.

Prema [] > [Blue Link] > [Blue Link settings] > [Activate Blue Link].

,Nota

A activación pode demorarse ata cinco minutos. Non apague o motor mentres se realiza a activación. En caso de erro ao activar, contacte co seu concesionario Hyundai autorizado. Durante a activación do servizo, as teclas da unidade principal non funcionan.

Activación do servizo (cando o servizo estiver caducado)

Se o servizo Blue Link caducou, as funcións do servizo Blue Link (Diagnóstico do vehículo, Enviar ao coche e Asistencia virtual) non estarán dispoñibles.

Información do módem

Esta función utilízase para mostrar a información do módem IMEI.

Prema [] > [Blue Link] > [Blue Link settings] > [Modem information].